جربّها بعد وتحرّش ألنوب
واشَوفك يازلم جابته نسوان
هذا أول درس تمتحنه ويّاي
واهل الاعظمية شبّوا النيران
هالمرّة أنتهت ويّاك بالريش
جربّهه بعد واتراهن وياك
أردّك من جديد اردود لأيران
تبّت يا لهب إيدك وتبيت
تبّ كلمن شعل عالزلم نيران
إذا رجلك أبد ما شافت الگاع
ومن خوف الأجوك أنطوى الميدان
إقبض يا عراق بهاي الأبطال
واربح بالفيالق خوش شجعان
ِگتلك مِن گبل لَتفزّز الناس
وخدّام العجم متصير فرسان
وگتلك من أحطّك بالعقل فد يوم
ما تلحگ عليك عيون عوران
أمس رجفت مفاصلكم بالأخبار
ومن ريح الضواري أنطيتوا ألوان
لو حسبة رجولة تكحّل العين
ولو غيرة لگينة انگول أقران
إذا طبع الثعالب بيك مطبوع
ما تصبح شجاع بجلد سرحان
والبي رِس عجم لايخبط الناس
ويحط سيف العرب بركاب عدنان
ما يوم العدو شغلّني جلاّد
ولا خرّب ضميري بيوم تومان
على ابو حنيفة نطلعلك ألغام
وننـزلك ألف عفريت من جان
لعيون السِفينة عفنة الحليلات
ونلاگي المنايا احضان باحضان
جربّهه وبعد وتراهن انوب
وشوف المايردك ياهو لأيران
أوصيك وأعلمك وأدري ميفيد
لأنك كل شهر مفروض تنهان !
الشاعر المبدع المجاهد
جواد الحمراني